الرئيسية
Now Reading
معلومات بسيطة للمبتدئين بنظام الاندرويد
3

معلومات بسيطة للمبتدئين بنظام الاندرويد

by ali jamelنوفمبر 20, 2013

السلام عليكم

الروم

و معنى النظام الي بل التلفون اشون مثلا وندوز اكس بي او سفن بل الحاسبات هنا بل التلفونات نفس الشي اكو رومات مثل روم الجنجربريد او روم ايسكريم او روم الجيلي بين و يحتوي على برامج خاصة بشركة كوكل و برامج خاصة بالشركات تسمى برامج النظام ما تكدر تحذفهة و لا تتلاعب بيها الا بوجود رووت و رح نشرحة بعدين … الروم الرسمي الي نازل من الشركة ما يحتاج رووت حتى يتنزل بل الجهاز و الروم تكدر تنزلة بجهازك بعدة طرق مثلا تكدر تنزلة عن طريق برنامج رسمي من الشركة و تركب الروم بجهازك عن طريق النت و الطريقة الثانية تكدر تركب الروم بجهازك عن طريق برنامج صغير تخلي بحاسبتك و تحمل الروم و تنزلة الجهازك عن طريق البرنامج و كل جهاز يختلف عن الاخر بطريقة تنزيل الروم

و الرومات بيها انواع مثل

رومات فرويو و جنجربرد و وايسكريم و هوني كومب و رومات الجيلي بين بس كلها تحت سقف واحد هو الاندرويد

الرووت

و هو برنامج ينزل ويا برامج النظام اسم البرنامج سوبر يوزر و البرنامج موجود بل الماركت و حتى لو تنزلة من الماركت ما يشتغل عندك لان ما رح ينزل ويا برامج النظام الرئيسية و معنى عملية هكر على التلفون و فتح ملفات النظام (الروم) و تكدر تتلاعب بيها و تغير بيها براحتك الرووت شي مو رسمي يعني اذا سويت رووت يروح ضمانك بس اكو عدة طرق تكدر تسويها بحيث محد يعرف انت سويت رووت الرووت مابي ضرر للجهاز بس كون تركبة بشكل صحيح و فوائد الرووت يخليك تفتح الماركت الامريكي حتى توصلك التحديثات اول اب اول و تكدر تحذف و تضيف برامج اساسية للنظام و اكو برامج تنزل من قبل مبرمجين تحتاج رووت و هواي شغلات و جانو اهل قبل يستخدمون الرووت حتى يعربون الجهاز يغيرون و يعدلون على ملفات معينة حتى يدعم العربية بس هسة الحمدللة ضلت الاجهزة تتعرب رسميا من الشركة

الكيرنل

هو ملف داخل الجهاز يربط بين الهاردوير و السوفتوير اي يحسن العلاقة بين الهارد وير و السوفت وير و اكو كيرنلات رسمية الشركة تنزلهة و اكو كينلات معدلة من قبل مطورين يضيفولهة شغلات تفيد المستخدم رح تسالني تكول ليش ما الشركة تضيف هاي الشغلات اجاوبك و اكول الشركة بنظرها هاي الشغلات و الاضافات ما الها داعي هاي بنظر الشركة مصنعة الجهاز … و اكو كيرنلات معدلة و تضيفلك الجهازك الرووت يعني بداخل ملف الكيرنل اكو روت و تختلف الكيرنلات و طريقة تنزيله بل الجهاز من جهاز الى اخر و من شركة الى اخرى و بس الكيرنلات الرسمية اكثرهة تكون مدمجة مع الروم يعني تنزل ويا الروم

الريكفري مود

و هو وضع يشبه الدوز بل الحاسبة يحتوي خيارت من ضمنهة فرمتت الجهاز و تركيب ملفات للجهاز و فرمتت ذاكرة النظام و الريكفري مود بي نوعين بي رسمي من الشركة ما تكدر من خلالة تركب ملفات لان ما يدعم صيغتها او الشركة خالتة ما يدعم اي صيغة و اكو ريكفري مود معدل و بي اضافات اكثر و يخليك تركب ملفات و الملفات الي تركبهة عن طريق الريكفري هي بيها برامج و الريكفري ينزلها الك ويا براج النظام و اكو كيرنلات تتركب عن طريق الريكفري و الريكفري مود المعدل بي اضافات هواي ما موجودة بل الريكفري مود الاصلي الخاص بل الجهاز و الريكفري مود المعدل يخليك تركب رومات مطبوخة يعني رومات مطورين مسويها يعني مطورين يصنعون نظام كامل و يخلوك تستخدمة

الداونلود مود

و هو وضع تخلي بي تلفونك حتى تركب الرومات الرسمية من الشركة عن طريق برنامج و تختلف طريقة الدخول الى هذا الوضع من جهاز الى اخر

السيف مود او الوضع الامن

و هو وضع تكدر تخلي جهازك يدخل بي و فائدتة اذا فد يوم نصبت برنامج و جهازك ضل يعلك و ما كدرت تحذف هذا البرنامج ف هذا الوضع هو الي رح يخلك تحذف البرنامج الوكح

الرومات المطبوخة و الرسمية 

المطبوخة مطورين مسويها و الرسمية من الشركة اصلية

What's your reaction?
Love It
0%
Interested
0%
Meh...
0%
What?
0%
Hate It
0%
Sad
0%
About The Author
ali jamel
3 Comments

اترك رد